LAURACEOUS

潛左水一排上返水先

最近食過最難忘嘅嘢就係

銅鑼灣希雲街嘅氷屋

好記得之前食韓國嘅冰

全部都係碎冰加糖水

食到底就會勁淡冇晒味仲要得返啲冰水

但今次食呢個真係好唔同佢啲冰係棉花冰

仲要食到最底係有餅碎同焦糖粹

仲要食落去全部棉花冰都係有綠茶味

同埋溝埋消化餅碎一齊食真係超好味

呢個冰叫做抹茶忌廉焦糖味

一個淨係＄78 兩個人分黎食係啱啱好

 但千祈唔好坐係冷氣位

因為食食吓會凍到好似去咗北極咁

仲有呀佢一點先開架唔好咁早去咗

話時話食咗兩次都唔知佢個名究竟點

SHARI SHARI Kakigori House 氷屋

氷 原來都係讀個冰字架

但聽聞呢間係日本黎嘅

但好可惜我係日本見唔到呢間咁好食嘅氷屋

一定會再試埋其他味嘅冰

大坑呢間拉麵來  一直行過見到佢個鋪頭好靚

超級日式 好似去咗日本咁 但係我覺得會好貴

所以遲遲都冇入去食 一次心血來潮嘅任性

終於入咗去 入面都好靚 好多日本野痴左係牆

啲坐位一排排 似足日本拉麵店

我叫左個原味豚骨湯麵 個餐牌都好靚

個湯底好鮮甜 

係用金木水火土 吾係用number列出麵嘅選擇

呢個oreo豆腐沙冰推介呀 吾漏又甜甜地一直覺得豆腐雪糕沙冰

個啲微甜得黎又吾會太漏清清地

 仲要加左啲粟米片配撘得勁正

mygod 男朋友的榴槤千層蛋糕 只能說超重榴槤味

呀爸呀媽話個lunch好食就帶左我黎呢間金泰來

一開始入嚟已經冇人理我地冇人斟水冇人拎餐牌

小食送左蝦片俾我哋但係脆得黎係un

野飲冇得輸我叫左三色冰好飲 

$23杯我覺得價錢合理 

因為入面係有料同好多料食

對原個菠蘿炒飯好失望好淡

得八爪魚肉之後就係菠蘿提子乾青豆車厘茄

好似食齋咁我有期望過有雞肉嗰啲

點知係冇 $68還好的

叫賣單個時冇人理我地啲人聽完就算

但出面有人等位佢就話冇枱

個甜品都係送嘅不過又係淡到癲

成舊水咁又硬

今次餐生日飯係喺時代廣場炎丸居酒屋食

係第二次食上次食lunch都試過碗拉麵

價錢around $100內 

今次食晚飯價錢相對會貴啲

牛腸煮加蒜蓉多士將啲蒜蓉多士點落啲牛肉汁度 

再將啲牛腸擺上多士聽聞呢個唔係成日有如果嚟咗唔早啲叫好快就會冇

普通炸雞因為嗰時我想要雞翼但係佢冇

所以就叫咗個炸雞但係令我意外嘅係佢嘅wasabi  係甜甜地仲要唔辣 

要嚟點炸雞有另一番風味

呢個係沙律有魚子煙三文魚薯蓉同埋洋蔥

好好味薯蓉配洋蔥魚子仲要有少少入口即溶

我覺得佢好得意搵個咁樣嘅樽裝住好迷你

呢個係天婦羅拼盤個人認為冇咩特別

有超多味嘅啤酒揀白葡萄白桃芒果等等

今次我揀咗季節限定嘅蘋果味覺得好苦好似冇乜蘋果味咁

但我覺得啲泡泡好靚好似cream咁

呢個係雜錦壽司咁有三文魚其他唔同嘅魚仲有海膽添

最好味既牛肉超香肉質簡直係鮮嫩

但上面啲wasabi好辣 辣到我喊我第二次食個時係撥開左啲wasabi

就黎咩茶都開齊哂 呢間係係旺角既第九間分店

賞茶 第一次飲貪得意叫左小時候波霸奶茶

有淡淡既焦糖味 又一啲都吾漏 飲完吾會話甜到想嘔咁

個味似焦糖奶茶 啲珍珠都好好咬 吾硬又吾會過林

究竟仲有幾多間要開？

賞茶 貢茶 茶湯會 歇腳亭 Come buy 天仁茗茶

今天又來吃鐵板日本料理

今次呢間叫奏 以前都去過 大約年幾前

今次去裝修完仲改埋名

環境一樣 都係三張枱 

隔離有個區係for食料理 

View係對街境

覺得今次個廚師麻麻

最中意食虎蝦 上次個間脆脆地

今次連少少脆都冇 

不過今次三文魚幾好

因為完全冇骨 上次去個間有好多碎骨

我吾中意食魚 今次都食哂

發覺點少少沙津醬食反而好食啲

冇咁腥

炒牛肉起個個火..

好細火 

牛肉好好味 但係蒜片因為濕左水

林到痴牙 一啲都吾脆 仲要得勁少蒜片 

炒飯仲要勁少勁淡 

炒烏冬嗰啲汁好酸 

最後冇食到炒烏冬同埋菜因為全部都好淡

今次呢間劣評 服務態度又差

上次嗰間啲人係會主動黎睇我地飲完水未

(上次嗰間: 尖沙咀六本渥日本料理鐵板燒)

會幫我地斟 今次呢間全店人都冇笑容

沙津又得勁少菜同生果選擇 吾會再食呢間

呢間係朋友帶我去既韓國BBQ炸雞

係喺Sogo後面 環境幾好幾大 有兩邊

電視機都係播好多韓國嘅mv

舊歌新歌都有

朋友叫咗一碟芝士粉炸雞 我自己就鍾意

食淨炸雞多啲 因為芝士粉好甜我唔鍾意

一碟四個人分都好夠 朋友話今次好多芝士粉

(佢仲有啲小食前菜係泡菜同酸蘿蔔)

呢個係一個對對碰嘅套餐

可以揀兩樣嘢食 分別係卡邦尼炒年糕

同埋芝士撈拉麵

好芝士好漏 不過都有菜食 啲西蘭花

係脆好新鮮 唔似其他咁林治治

淨係食呢兩樣配菜一定唔會飽

通常都會加碟炸雞

呢個就係對對碰餐牌

哈哈 這兩個是什麼樣子(其實男朋友在我身旁 沒入鏡hehe) 

雞肉好嫩 吾硬 外皮炸到好脆

脆到同啲肉分開 仲有雞味

唔係淨係得粉味 

埋單$293 我地都好飽 抵食 

但個人比較鍾意食上次嗰間

Goobne韓國烤雞

今日係銅鑼灣唔知去邊好

朋友就介紹左我黎呢間Cafe

叫做My Home

有Board game UNO 層層疊個啲玩

可以係度叫杯野飲坐三個鐘

夜晚過左6點後會開電視

好搞笑 其實對面打通左都係佢地既

唔知點解有兩道門 但Cafe入面係 通道過隔離 

有柔軟琳琳嘅沙發坐 仲有枕頭添

啲燈暗暗地 又有波波燈 好有氣氛 

但我覺得嘢飲都幾貴＄50杯

我叫左瑞士朱古力加棉花糖

但係係最低消費 每人要飲一杯野飲

小食都唔計最低消費

(小食有雞翼 沙律 麥樂雞嗰啲炸物)

朋友同👦🏻叫咗利賓立沙冰

我覺得係一個幾好嘅hea地方 

係溫書好地方添 靜靜地又唔嘈

同朋友傾計嘅好地方

決定下次行街行到攰都上去hea

👦🏻話三百幾蚊兩個人好抵 所以去左食

雞煲 順便慶祝情人節個餐

半隻雞已經夠三個人食 好似全隻雞咁

食哂雞之後 可以加清湯 

就可以點火鍋料 打邊爐

等緊個雞煲熱 我地叫左麻辣秘製雞煲

叫左微辣  但我已經覺得好辣 個嘴係麻左

吾知點解我吾係咁中意陣雞煲味

但我中意食

有大大壺既酸梅湯同蔗汁叫

都係$35超抵 另外一杯杯個啲野飲都好大杯

食得 

火鍋料分別叫左 芝士腸

黑豚豬肉勁好味 我的最愛

芝心丸 👦🏻食既勁核突雞子

另外叫左響聆同魚皮 但我中意食魚皮多啲

後來同另外一個朋友一齊食

三個人埋單五百幾 除翻開一個人一百八十蚊到

第二次食姆明Cafe 餐廳既環境真係好可愛

但發覺枱枱都係小朋友 我地坐係度有啲尷尬

點解黎多次食 原因係啲野食係賣相得

味道都好得

由於佢係海港城所以 佢對住嘅景

都係郵輪碼頭 咁啱有隻郵輪泊左係度

餐具都有姆明

跟餐有嘢飲送 有橙汁蘋果汁嗰啲 

呢個係＄86嘅廚師精選 每日都要問一問

個侍應個日出咗啲乜嘢意粉 

而今日就係煙鴨胸雜菜天使麵

👦🏻話次次Cafe啲野食都好漏

吾好睇碟麵咁細碟 食左三分二已經飽

煙鴨胸好大塊 麵既味道同汁都好味既

呢個係小食嘅＄68 Fish Fingers配我最愛既

魚柳醬 如果有薯條就好喇~~~

炸得剛剛好 外面炸個層一啲都吾厚

當然唔少得即係有大大隻姆明

陪我哋食嘢啦 仲任影添

侍應後未仲走過黎問有冇其他角色想影

但當公仔唔夠 人太多嘅時候

我哋差唔多食完野 姆明都俾人拎走左個隔離枱嚕

當然仲有小朋友嘅兒童餐啦

但佢兒童節 真係好細分

如果細食嘅人都未必夠飽

第一次食The spaghetti house

最鍾意都係卡邦尼意粉 佢呢度除咗

煙肉之外仲有好多芝士汁同埋洋蔥

好大碟其實一個人未必食得晒

$108 我覺得兩個人share一碟都夠

甜品係焦糖布丁 冇乜特別 我覺得細咗啲

$36 一個人食哂嚕

今日又係諗唔到食乜 行過世貿嗰邊見到呢間日本嘅餐廳

細細間咁 但好多人喺裏面食 多到有人係出面排隊

見到價錢都ok 就入咗去試

分別叫咗咖喱牛肉飯 同埋咖喱炸雞飯

咖喱牛肉飯啲牛肉超嫩 林林地

炸雞外脆內軟 啲飯係珍珠米 一粒粒好好食

咖喱又唔係太漏 又唔係好辣 不如啱啱好夠飽

賣單$150 有10%服務費

又係Food court了 今次係奧海城

對於我叫既麵 都係普通拉麵

吉列豬扒好硬 

👦🏻好醒目 嗌左個韓國湯飯

豆腐香辣湯配白飯 個湯好足料

有豆腐 蛋 硯肉 八瓜魚 豬肉 粉絲 豆腐等等

👦🏻話食完個飯已經飽飽地 

再加埋啲粉絲多到成碗麵咁

其實吾係好辣

真係好抵食$56咋！

今日又係諗吾到食乜 行過sogo後面

不嬲想試呢間宏發燒臘 次次都好香燒臘味

但好失望 服務態度差 

我叫燒肉瀨粉 燒肉皮幾脆 但有三分二都係肥肉

但👦🏻叫既燒鴨瀨 好食好多

啲菜都好吸湯味 但瀨粉好碎 太林

吾會再食 

又係叫餐係禁制既

好師奶咁係有coupon 先黎食 因為好貴

好肉赤 👦🏻話係成隻雞好抵 

所以說服到我黎食

叫左＄165嘅香酥烤雞 

鯊魚野飲係呢度既原來

初初入到黎 冇人 嚇死

窗口位個景好靚 夜晚應該仲靚

但得四至五個窗口位 

我鍾意食嗰個酸蘿蔔 好好味

食雞食到濟濟地嗰時 食舊酸蘿蔔好解漏

其實有兩個醬 兩個都好似泰式醬

一個係辣 一個係唔辣

啲雞真係全隻咁制 連雞頸都有 

呢個烤雞外脆內軟 個皮好脆 又吾厚

啲雞肉好滑 有少少辣

一碟雞兩個人share都好夠飽

埋單加埋一$149(八折左) 原價$178

今日已經諗唔到喺銅鑼灣仲可以食啲乜

經過女人街見到呢間點心店

照舊都係有普洱嗰啲茶飲

叫咗個鳳爪排骨飯＄29 幾好食

個飯好香 但排骨得四舊 好少

有北菇滑雞飯 但呢個就唔係太好食

啲雞太林 可能因為蒸得太耐 好熱

個飯又淡 得冬菇喺好味

埋單＄64  $3一位茶錢

本來對Outback好有期望不過唔知係唔係

地區性尖沙咀呢間真係好難食

其實食緊野嗰時有個侍應已經係我哋張枱

隔離係咁行嚟行去 

前菜有個沙律 粟米忌廉湯

同埋一個包 

講下啲湯先啦正常係西餐廳飲到嘅呢啲餐

湯都係結嘅但係呢一間係水嘅 

之後啲沙律唔錯嘅 但個包就唔太好味囉

點包個醬又鹹鹹地 可能係我唔識食掛

啲薯條好好味啦炸得 但有啲硬 

個包嘅包好林 整體上都唔係咁好味

食到最後仲要有另一個侍應行埋黎問

啲野係咪唔啱食 因為我真係食淨左好多

平時係八方雲集食鍋貼水餃就食得多

有冇試過佢啲魚丸水餃麵同貢丸水餃麵

$32一碗 有麵或者米粉揀

我自己覺得個湯底好好味因為芫荽同埋一啲配料

同呢隻台灣麵都好好味 水餃就不嬲八方雲集係出名

但係貢丸同埋魚丸呢就 比較遜色一啲

生菜索晒啲湯味好好食

我下次去都係會食翻鍋貼同水餃