LAURACEOUS

睇左那年夏天你去了那裏

故事好懸疑 初初真係好難估到故事既發展

開始係講顏卓靈係8歲既時候俾人綁架左

直至12年後先俾人搵翻 但係係美國俾警方搵翻

原來係佢爸爸同成家移民去美國 

有一次顏卓靈同媽咪 家姐係屋企出面種花

但媽咪入左去聽電話 

佢家姐一直都妒忌屋企人錫個妹多過錫佢

所以發左脾氣入咗屋 淨低個妹係出面

唔知佢地出返嚟嘅時候 顏卓靈就吾見左

佢媽咪嬲咗佢家姐十幾年 

美國既警方係一間屋既地牢搵翻顏卓靈

喺嗰間屋住嘅三個外籍男子都係唔涉嫌左好多單綁架案嘅

但原來事實唔係咁 顏卓靈翻到黎之後

扮驚扮吾出聲 其實密謀緊報仇

佢殺咗當時有份通風報信嘅管家

原來當年因為佢爸爸同佢大哥吾岩牙

佢大哥知道左佢哋移民 搵左自己嘅私生子綁架顏卓靈

但佢既私生子覺得顏卓靈好慘 放左佢翻屋企

但顏卓靈既屋企人以為佢已經俾人撕左票

因為佢地當時報左警 顏卓靈翻翻去既時候

屋企人已經搬走左 從此個個顏卓靈就同個私生子相依為命

都顏卓靈20歲既時候 就翻左屋企同私生子夾埋報仇

私生子搵左個三個外籍人 俾k仔佢地食

用佢地間屋扮顏卓靈俾人收埋左十幾年

仲搵介刀介顏卓靈 打佢 咁就迫真啲

然後就call 911話有綁架案

而私生子既出現係因為 顏卓靈爸爸既大哥

拋棄左出面既女人 搞到私生子既媽咪死左

私生子就懷恨在心 但一直冇機會報仇

後來同呢間綁架案有關既人都俾顏卓靈同私生子殺左

到結局 顏卓靈冇再受私生子既擺佈

其實顏卓靈好懦弱怕事 一直俾私生子控制

顏卓靈冇聽私生子講殺左自己既家姐

雖然顏卓靈好曾自己家姐 但其實都好掛住屋企

最後顏卓靈同私生子都一齊死左

成套戲都好黑暗 全套都講報仇

睇到好心寒 顏卓靈做得好好

好有突破 私生子係胡歌飾演

好型 好搶戲(主角當然搶戲haha)

仲有講顏卓靈既爸爸出面有女人

講顏卓靈家姐因爲個妹呢件事

去左做心理醫生等等小節

加埋背景音樂係顏卓靈哼既小朋友歌

真係就算吾係恐佈鬼片都好嚇人

個人評分 ★★★

聽講長城好多劣評 好彩係睇完之後先聽到啲劣評

因為我個人覺得係好睇

我中意啲神話故事 雖然可能膠膠地

但我覺得呢個長城既傳說又膠得幾合理 

故事講有兩個外國人黎中國搵火藥

點知中途俾中國一啲外族追殺

佢地係一個山洞度避外族既時候

意外遇到一隻不知名生物 仲殺左自己其中一個同伴 

其中一個外國人就拎左把刀砍個隻生物

隻生物既手俾個外國人砍甩左

兩個外國人為左避啲外族 又趕住上路 

就去到長城前面 係進退兩難既情況下

佢地決定拎住個隻生物既手入長城

話俾中國人知 係長城既女將軍識聽英文

因為係之前俾人捉左做俘虜既一個外國人教

後來就知道呢隻生物叫做饕餮

係一隻好大既 er⋯⋯怪物

兩個外國人好奇怪點解個長城有咁大隊女精兵

點解長城又要起到咁高？

原來係因為為左抵擋饕餮

傳說 有一年 中國皇帝腐敗

天神為左懲罰人 跌左舊綠色隕石落一座山度

座山變左綠色 饕餮就住係個座山

每六十年就黎一次 食人

所以中國就要起長城擋住啲饕餮

而女精兵就係用黎吊住係城牆邊 

落去搵刀同矛殺饕餮 

接著落黎就係講個兩個外國人幫佢地擊退饕餮

之後中國人就對佢地好好 優待佢地

兩個外國人就爭論決擇留係度幫手定繼續偷火藥

後來一個揀留低一個揀偷火藥

當然 偷火藥個個俾人捉左 困入監中

(但另外個外國人因爲殺敵成功 皇帝俾佢揀奬賞

佢揀咗放返自己嘅同伴出監)

結局梗係外國人教中國人一啲戰略

成功殺左啲饕餮

因為只要殺左饕餮王 其他饕餮都吾會再郁吾再進攻

因為冇饕餮王既指令

網上好多負評 故事係簡單

但有啲細節位做得幾好 

例如 外國人係一個山洞入面執到一個怪石

外國人帶住怪石喺身 一行去饕餮度

饕餮就停左郁 俾外國人殺到

原來嗰舊石係磁石 饕餮你磁石影響到就唔會再郁

因為磁石令到饕餮收吾到指令

同埋大陸既戲永遠陣容都好頂盛

啲士兵出黎同女兵打鼓個時好型

但如果入去係為睇彭于晏 其實可以吾使睇

出得幾幕 講左十句野都冇

鹿晗既角色就偉大啲

講佢膽小怕事 但係比個外國人鼓勵左佢一句說話話

你比佢地想像中強大

佢就係一次嘅殺饕餮既戰爭中

犧牲左自己教咗班主角同將軍

整體黎講 我覺得套戲好震撼

睇3D會更好 睇特技係very nice

同埋女主角又型又靚(心心眼)

但如果睇故事就可能吾係咁豐富

因為始終係打怪獸

個人評分 ★★★

睇預告個時 見到啲動物唱歌

已經好想去睇 覺得好好笑

故事都係簡單 但好好笑

係講有一隻樹熊 細個嘅時候爸爸帶佢去歌劇院

有細個開始 佢志願就係開一間歌劇院

爸爸就洗車洗左40年 儲到一筆錢買落咗嗰間歌劇院俾佢

但一路做 做到大個歌劇院嘅 生意就開始減退

隻樹熊叫做啊畢 啊畢爭銀行錢 又爭啲員工錢

啲人中追數追到上門 合夥人決定吾繼續投資係佢間歌劇院

啊畢搵咗合夥人嘅仔同時係自己嘅好兄弟出嚟傾

想搞一個歌唱比賽 令到全市有潛質嘅動物成為明星

笑位就嚟啦 點知啊畢嘅助手蜥蝪太太

係印單張嘅時候唔小心跌咗隻假眼

假眼一路係個鍵盤上面彈下彈就彈左

由本來贏咗比賽可以得至奬金$1,000變到$100,000 

全市鍾意唱歌嘅動物呢 都係歌劇院門口排長龍

包括幾位主角 大笨象女 豬媽 豬佬 白老鼠仔 猩猩 刺謂女 五隻狸鼠 

選拔嘅過程中都有好多笑位 猩猩當初係冇俾啊畢揀中

但因為啊畢揀中個隻長頸鹿條頸太長 

啊畢覺得同佢講野要用大聲公太辛苦

就淘汰左長頸鹿 俾猩猩補上

另外五隻狸鼠 吾識聽英文 因為係日本鼠

俾人淘汰左都吾識聽 仲係咁留係度唱

動物們為左拎到10萬蚊奬金 努力返屋企練歌

豬媽呢仲唔得閒 湊佢嗰25隻豬仔係屋企整咗個系統

照顧啲小朋友同埋老公 專心練歌

講動物們為咗個10萬蚊做嘅嘢都好多笑位

中間講到 阿畢為咗得到佢好兄弟

嫲嫲既資金 去令到奬金變10萬蚊

佢好努力去美化歌劇院 但由於全部裝修既野都唔係買返嚟

係偷返嚟 自己整

係一次意外中成座歌劇院冧左

之後阿畢好頹廢 但阿畢曾經勸過 大笨象女吾好放棄

就算怕丑 都要嘗試去放膽去唱歌

吾好俾恐懼阻礙自己喜愛既事

大笨象女鼓勵翻阿畢 阿畢就做翻爸爸既老本行

洗車 洗車個個位真係好好笑

原來阿畢係用自己既身體抹車 

著住條泳褲 帶住個泳鏡 整濕自己

好似係架車上面游水咁

後來成班動物同阿畢

去返冧咗個座歌劇院 搭左一個台出嚟

諗住完左唱歌既夢 但點知因爲冧座歌劇院件事震驚全市

佢哋唱番歌 吸引左記者黎報導

好多全市既動物都黎左現場支持 因為見到電視報導

阿畢後來仲得到好兄弟既嫲嫲支持 幫阿畢買翻間歌劇院

成套戲都好勵志 其實當中仲涉及左為左唱歌夢

牽涉及親情同愛情 但最後梗係Happy Ending

但當然都有反面教材 就係白老鼠仔好自大

覺得自己一定拎到奬金 先洗未來錢

借錢去賭 搞到爭人錢 俾人追債

我中意睇呢類型既卡通電影 因為戲中既歌全部都係自己作

仲要好好聽 吾係普通既一套卡通電影

仲好好笑添 

但我係睇英文版 因為中意原汁原味

呢套卡通電影仲係小黃人班底 所以搞笑冇難度

個人評分 ★★★★

又係葉念琛既愛情戲 今次冇左方力申有

啲吾係好習慣

初初未睇預告以為有 不過今次轉左劉浩

龍同張繼聰做男主角

戲中既鄧麗欣又係叫阿寶 講佢同劉浩龍

拍左好耐拖 

但遲遲劉浩龍都吾肯結婚 

一開頭就講盧覓雪係阿寶既上司 平時超

巴辣 鬧下屬(話說king sir都客串做上司 我笑了)

但佢同男朋友分手既時候 竟然係公司廁

所自殺

阿寶就同左自己好朋友加男朋友妹妹既麥

明詩講

麥明詩就話失戀會傳染 好快自己同呀寶

都會失戀

覺得今次麥明詩做一個迷信同神經質既女

仔做得幾好

係同何浩文做情侶檔 第一次睇麥明詩做戲

另外係金燕玲同呀寶既母女關係都係催淚

線之一

講佢吵完之後又好翻 都睇到好多人眼濕濕

阿寶係公司又升唔到職 因為有其他女同

事同佢老闆夜晚食飯

劉浩龍冷淡佢嘅時候 阿寶入咗一間酒吧

識左做老千嘅張繼聰 送俾張繼聰佢哋呃左

張繼聰嘅老千團有呀bob 莊思敏 

阿寶係情場失意職場又失意之下 同左張

繼聰佢哋去做老千

係呢個情況下就有好多笑場位

最後張繼聰仲幫左阿寶認清佢男朋友 

仲玩左佢男朋友一場

係張繼聰派左佢嘅女拍檔去呃佢男朋友錢

等佢男朋友返去問阿寶拎錢 阿寶就知道

佢男朋友係咩人

後來張繼聰因為係做老千嘅事得罪咗人臨

尾俾人斬

個時我覺得係最催淚 因為張繼聰話如果

阿寶發現男朋友真係衰人既話

就要叫自己師父一聲 最後阿寶未叫到師

傅嘅時候

張繼聰已經係街俾人斬到半死

阿寶一路喊一路勁大聲嗌師傅跑過去搵張繼聰

仲要播埋主題曲個首我錯 超催淚點

其實點解套戲叫失戀日呢

係因為麥名詩係戲中話

只要一個人失戀就會好容易傳染到佢身邊

所有人都失戀 

已麥明詩同何浩文分手係因為

麥明詩太過迷信覺得同何浩文冇可能一齊

分手係上天既安排

仲搞到何浩文自己爆出來同過麥明詩朋友一夜情

笑位就係麥明詩同何浩文分手之後仲要勁

開心笑到喊

話多謝你親手結束我哋嘅感情 我覺得我

哋係唔適合一齊

仲講到何浩文嘅老豆老母石修同埋鮑起靜

又話要離婚

全套戲嘅人都失哂戀 

我自己覺得戲入面幾句對白都好岩

「吾想重新識過一個人 又要再投放感情

重新了解 覺得好晒時間」

「個男人如果佢唔愛你真係可以做到好壞」

仲加左十分愛嘅一句舊對白 

「你睇到嘅未必係真 你睇唔到嘅未必係假」

阿寶去探佢上司盧覓雪嘅時候 盧覓雪又

講咗一句

「我哋呢一個年紀嘅女人 唔係要搵藉口

係要搵出口 要對自己好啲」

次次葉念琛啲戲最後結局都會 好懸疑 

但今次竟然係Happy Ending 張繼聰冇事

仲要繼續同鄧麗欣去做老千

我覺得內容同佢電影海報個句

相愛不在一起 不愛勉強一起

完全冇關係囉

個人評分 ★★★

今日終於睇咗星球大戰外傳俠盜一號

竟然搵咗宇宙最強嘅甄子丹黎做

成件事覺得好好笑因為一直都係宇宙最強

強到去咗星球大戰 今日我係睇3D同埋全景聲

覺得冇乜特別3D 其實係冇3D囉

全景聲成件事就比較震撼

因為啲戰機真係好似係你後面飛過嚟咁

一開頭就講帝國整武器最勁嗰個男人為咗

避開帝國嘅人 唔想再整武器破壞星球

就同老婆同埋女(女主角)去咗另外一個星球

係嗰度耕田避難 但最後都比帝國啲人搵到

之後就講嗰個男人嘅老婆被殺

女主角就要逃亡 期間俾絕城嘅對抗軍首領救左

到大個嘅時候就展開咗一場幫爸爸復仇嘅對抗

之後又係因為絕城有好多對抗帝國嘅人

所以帝國就用左個女主角嘅爸爸整嘅武器消滅左成個絕城嘅星球 

跟住好多人都好憎個女主角嘅爸爸仲追殺佢

但後來俾帝國嘅人知道左原來女主角嘅

爸爸係整咗一個武器可以令到帝國嘅

星球完全毁滅 因為佢當初俾帝國既人

迫咗翻去 要同女主角分開 老婆又死左

就一直扮野喺裏面繼續做野 但其實諗緊復仇嘅計劃

於是就拍左一段投影真人片同女主角講

只要去到帝國嘅一個堡壘塔攞到死星嘅藍圖就可以消滅帝國既星球

女主角嘅爸爸最後都係係戰爭中死咗

於是女主角就聯同埋男主角 一隻俾人改咗程式本來係帝國嘅機械人

同埋另外一班星球嘅聯盟軍去左帝國

嘅堡壘塔到成功攞到呢個藍圖 

傳送俾聯盟軍 最後俾咗公主 

睇完之後覺得好感觸 覺得星球大戰故事嘅主旨好似為人民犧牲咁

因為最後帝國將堡壘塔個個星球毁滅左

男女主角同埋好多聯盟軍都係呢次毁滅同戰爭裏面死咗

至於宇宙最強嘅甄子丹呢

(其實甄子丹係盲既 但武功超勁啦又係 感應同反應好快)

都係幫女主角同埋聯盟軍對抗帝國

甄子丹都係為咗幫佢哋犧牲左

故事結局係 公主拎住藍圖講話:

佢哋帶咗希望俾我哋 

然後就完咗 即係又係有下集啦

至於黑武士嘅出現 係因為帝國軍叫

黑武士出嚟幫拖 所以黑武士就出咗場

但黑武士最後都失敗 阻止唔到藍圖去公主嘅手上

"俠盜一號"係男女主角同聯盟軍一齊

撘嘅個架去偷藍圖 對抗帝國嘅戰機名

覺得好睇過第七集 特技都係高水凖

故事雖然一般 但係發揮得好緊張刺激

我吾係星戰迷 但今日睇完

我講左句 睇完呢套先中意星戰

會吾會好離譜 其實套戲有啲位係get吾到

但👦🏻話 有啲吾使get到 故事好簡單

睇既係特技同啲震撼既打鬥場面

個人評分 ★★★★★ 

呢個係$68既爆谷"套餐"

上面係爆谷 下面係汽水

個汽水超大杯 平時戲院嘅人會話斟杯

大汽水 但係今次竟然話斟杯爆汽水

我地最後飲吾哂 倒個時發現飲左三分一

👦🏻中意呢個樽 話好得意所以買

初初睇預告真係以為係鬼片

因為個名同預告既剪接

開頭講女主角係繼母

終於睇左怪獸喇 好開心拎到個個特別版袋

呢套絕對超3D 以前睇個啲都吾夠3D

今次呢套連隻大飛蛾都好似係你面前

好想一手撥走佢咁

戲中講主角既老師係鄧不利多(個時仲未做校長)

仲幫主角寫推薦信 主角先入到另一間學校

故事係講一個城市俾一隻隱形既魔怪入侵

魔法界既人好易因為咁而現身 

所以要盡快搵到呢隻魔怪

咁岩男主角又帶左一箱魔怪黎呢個城市

魔法界既探員知道左 就以為係男主角放呢隻隱形既魔怪黎破壞城市

後來隱形魔怪仲殺左後選既市長

但係男主角同探員重重既追查下

終於搵到呢隻隱形魔怪既真身

但城市俾人破壞左 男主角用自己調製出黎既遺忘液

令全市既市民忘記隱形魔怪既破壞

立下左一個大功

戲中啲小魔怪超可愛 有一隻識解鎖既樹精

有分離焦慮症 吾肯同男主角分開

但就因為咁 男主角就黎要死既時候

樹精救左佢 

一隻識透明既猿猴 一隻有魔法既大鷹

又有一隻鴨嘴獸好中意偷金銀珠寶

擺哂落自己個肚度 佢訓既地方都係

由自己啲金銀珠寶砌出黎

淨係睇小魔怪已經夠 又可愛又有笑場

男主角係一個超有善心既人 啲小魔怪係佢收養

因為啲小魔怪係被遺棄左既

個人評分 ★★★★★

初初入場睇吾覺係三級片

因為開頭畫面吾三級 但原來係因為太多粗口 同埋情節說話內容三級

但我覺得故事好好笑 係講食物既世界 

佢地以為俾人買左 就可以拎翻屋企 係天堂

啲人會好好對佢地 但點知有啲食物出左去

俾人退貨翻黎之後就超驚 仲係第二次俾人揀中既時候

仲自殺 好笑之處係 個個係一樽蕃茄醬

自殺即係跌落地 跌爛自己

我覺得成套戲都好多笑位 就好似麵包同腸仔既愛情

佢地兩包俾人擺左係同一個貨架

就產生左愛情 好想快啲俾人買左

就可以離開個包裝 然後一齊

食物當人類係天神 以及去到人類既世界係天堂

佢地吾知出到去會俾人食

係因為當初 啲食物知道出到去會死

全部都好驚 好吾開心

所以一啲超級市場入面 所謂既"長老" 一啲吾會腐化既物品 

例如火水 就作左首歌 一代傳一代

話俾啲食物知 外面人類既世界係美好既

等啲食物俾人買既時候會好開心咁走

後未男主角香腸發現左呢件事

就想發動啲食物反人類 但食物們梗係吾信

後來一次意外 食物發現左原來當人類食左迷幻藥之後

會見到啲食物識講識郁 即係第四度空間

食物們就鎖住左個supermarket 跟住用牙籤當箭

擺啲迷幻藥 射落啲人度

啲人見到食物識講識郁 就以為有魔鬼上身

就咬 打爛同切啲食物

其他食物見到 就對人類世界係天堂幻滅左 

仲一齊反人類 後來整死左啲人後

三級既時候就來了 香腸同麵包

麵包同饀餅

之後冬甩同墨西哥薄餅(兩個都係男😂)

全部超淫亂(下刪情節)

個人評分 ★★★★

今日睇左奇異博士 雖然都係marvel風格 係咁打

但真係加入左好多新既元素  例如鏡像空間影響吾到現實世界

個度有啲似潛行空間 

開頭有啲似醫神 講男主角係做醫生

一個好叻既內科醫生 做手術好叻 救好多人

但一次因為好勝 係公路上面同人鬥車

但同時又傾緊電話 所以撞左車 

做左一次好大既手術 但對手就廢左

男主角係咁搵可以醫到對手既方法

但冇人肯幫佢做手術 因為覺得佢搵既方法根本冇可能做到

最後男主角就去左東方 上山搵練功既人

途中講佢練功 而呢啲功夫都係好科幻

然後就講師父俾對家殺左 所以主角要報仇

而對家其實係師父以前既徒弟

但背叛左師門 去左反派個邊

戲中感情線就係男主角同舊同事

就算男主角係同人打既時候受傷

都係搵翻舊同事 仲將練功既事同呢位舊同事講

我覺得故事係圍繞住男主角上山練功

而啲功力係科幻化左 例如可以將時間扭翻翻去以前

又或者將來 又可以停住係一間時空入面 不停重複

又有一個圈 佢地可以扭出黎

而個個圈就好似隨意門咁

好似戲中咁 由山上既寺度去左雪山 珠穆朗瑪峰

結局講男主角點樣利用停係一個時間去打敗左對家

個人認為好笑之處係 男主角有一次係收藏館入面打交  

收藏館係專收藏佢地用既道具 跟住有一道斗篷跟住男主角

原來呢道斗篷中意男主角 所以願意俾佢用自己

仲幫男主角打走左個敵人

至於點解男主角要叫Dr. Strange 奇異博士呢

因為佢係戲中係咁同人強調要叫自己Dr.Strange 

吾俾人叫佢全名或者其他名

成套戲俾人感覺好新 

但到完左起字幕個時 戲院啲燈又未開

一路啲起完字 又彈左奇異博士 即係男主角出黎

影住佢同雷神傾計 到第二次起完字之後

又有延續落第二集既預告

我係睇3D 但吾覺有幾3D 

個人評分 ★★★★

今日遲左15分鐘入場

一入到去氣氛已經好刺激

鏡頭影住女主角熄左屋裏面個警報器

故事真係好簡單 但全程真係好刺激同緊張

純粹有三位主角同一個變態既退役軍人係一間屋入面玩困獸鬥

一位男主角更加係開頭已經被殺

而另外兩位主角就要避過退役軍人既追殺

故事係咁既 三個年輕人打算入一間退役軍人既屋企打劫

而呢位軍人係盲既 開頭有個主角入去軍人既房

放迷暈煙 但一位退役軍人又點會咁易俾人迷暈

佢地其中一個用槍射爆左一間有鎖既門

以為個間房入面有好多錢

但因為咁 驚醒左呢位軍人

軍人既聽覺同嗅覺都特別靈敏

好快就感應到有人係屋入面 更射死左其中一個主角

另外個兩個就開始係屋入面玩捉迷藏咁

軍人驚再有人入黎 所以鎖住哂度大門

令到兩位主角更加難走得甩

女主角見到軍人檢查夾萬既錢 留意到密碼 

拎哂入面個一百萬美金 同另外一個主角走左去鎖左既門入面

軍人知道屋裏面仲有人 因為摸到兩對陌生既鞋係地下

就去左夾萬檢查多次 發現冇哂啲錢

依個時候 兩位主角入左度門 原來係通去地牢

係地牢有個女仔俾人用鐵鍊鎖住

而呢個女仔原來當年揸車撞死左軍人既女

俾軍人捉左 女仔叫主角救自己

一大力郁就扯到個鈴響

軍人就知道有人落左地牢 所以女仔郁

係逃脫間 軍人因為睇吾到 射死左個女仔

軍人好傷心(我以為佢當左個女仔係個女)

之後兩位主角都同軍人係黑暗既地牢戰鬥

但黑暗根本永遠相伴盲人生活 兩位主角又點會夠玩

下刪一千字關於困獸鬥

女主角後來俾軍人捉到 鎖左係地辛牢

而男主角就受左傷係上面客廳

軍人原來好想要翻個女 於是就自己進行人工受孕

所以之前死左個女仔其實係有左佢bb 

軍人要女主角一樣接受人工受孕

話九個月後生完就放佢走

好彩原來男主冇死 翻黎打暈個軍人

鎖翻佢 但點會happy ending吖

佢地冇殺死軍人 令願揀拎袋錢走

軍人扯爛左個手銬 係兩位主角走既時候

射死左男主角 女主角走甩

但最後都捉翻

最後女主角開翻個警報器 個警報器好大聲咁響

擾亂軍人 等佢聽吾到睇吾到 就狂打個軍人 打到佢跌翻入地牢

女主角拎左袋錢走

警方到左 但軍人表示係有兩個賊入去打劫 

所以自慰殺人(死左個女仔條屍俾佢用水泥埋左係地底)

睇完真係好驚 全程都睇到個心跳得勁快

睇到好想嗌 戲既賣點就係刺激的困獸鬥

3分鐘一小嚇 10分鐘一大嚇

就算淨係幾個人係間屋入面 都已經夠哂驚險

值得入場感受個種氣氛

個人評分 ★★★★★

終於係貞子vs伽椰子正日上既今日睇左

就算有啲位係好笑 都係因為翻譯啲對白 加啲笑位落去

例如咩 司徒法證

但其實係一套恐怖片黎

廣告係呃人的 我自己就感受吾到有喜劇喇

只有驚悚同恐怖 成個故事帶出既係兩個日本鬼后好強大

前面都係講兩位女主角點樣放左個咒怨出黎

貞子同伽椰子既傳說輕輕帶過

重點都係 最後驅魔師都搞吾掂貞子

就將貞子既錄影帶擺入伽椰子既屋入面播

等佢地鬼打鬼 係打既過程

伽椰子係輸左 俾貞子啲頭髮插哂入七孔

 但吾知點解又翻生翻

驅魔師打算犧牲一個女主角

引貞子同伽椰子跳落一個井到

然後封印佢地 兩大鬼后啵

又點會咁易？

佢地兩個係井入面混合埋一齊

變左貞子既頭 伽椰子既身

女主角白白犧牲左

ending都係無疾而終 冇交代死淨個兩個女仔咩下場

只係影住貞子mix伽椰子爬過佢地度

個人認為恐怖過鬼屋驚凶實錄

真係嚇到我個心離一離

一直覺得日本既鬼片係最驚

果然冇令我失望

個人評分 ★★★★★

今日終於睇左國定殺戮日

只能說睇到想嘔

人性真係醜陋到想嘔

全套冇悶場 由頭刺激到尾

雖然冇睇過第一二集 但都睇得明第三集

但如果講真實度 美國就真係冇可能有依個日子既

但就完美刻畫人性

有啲恐怖 極端

有啲就有義氣 勇敢 

故事大概都係講一個女人 佢係以前既殺戮日望住自己全家俾人殺死

所以決定出黎參選 做總統

廢除呢個日子 

舊既元老派就搵日暗殺呢個女人

利用呢個殺戮日

講呢個女人身邊邊個出賣

邊個又係忠實

故事雖然簡單 但好刺激

殺人既畫面吾算太血腥 但個人都睇到哇哇聲

最深刻係斷頭台 周街砍一個人頭

仲有散彈槍射到一個人個頭穿左窿

同最後拎住把刀狂插一個人 死左都仲繼續插

其實睇到真係幾想嘔

但對比起恐懼鬥室 依套小兒科

劇情黎講 深刻既係 一個老婆好憎個老公

佢係呢日殺左個老公 但殺完之後好後悔

周圍搵人救佢老公 仲話殺戮日冇令佢開心

以為自己好憎個老公 但到殺左個一刻先知

其實自己既恨 冇想像中咁深

仲有 新興既殺戮旅遊

講一啲遊客入境就係為左殺美國人

更有人講左句 殺戮日係大人既萬聖節 

因為佢地係戴住面具殺人

成日話如果殺人吾犯法

你會最想殺邊個？

睇完先發覺 殺人好攰

殺完又有人報仇 殺翻你

你又要殺翻人 一直咁殺

有乜謂？

個人評分 ★★★★★

又係俾身邊既人影響 所以去左睇柏鳥小姐

我個frd同我講又係科幻個啲

又話食眼落肚咁 講到好似幾吸引

於是放學就去左即興睇

一開場個時 個人認為有少少悶

係簡單交代翻男主角背景

同講翻爺爺同佢講既床前奇幻故事其實係真既

係爺爺既親身經歷

然後就講男主角既爺爺俾人挖眼 然後死左

爺爺臨死前 同男主角講要去搵柏鳥小姐 就會知咩事

後未柏鳥小姐身邊既小朋友黎左接佢走

去左迴圈 翻左去1949年

而柏鳥小姐身邊既小朋友全部都有特異功能

有隱形 生火 大力 輕到可以飛上天等等

(題外話:柏島小姐真係又索又型)

而柏鳥小姐就係可以將24小時重置

將個日重新黎過 永遠留住個一日

所以係佢身邊既人都吾會長大

但直至男主角既到來 引左呢班異能人既天敵 空魔黎

空魔係透明既怪物 只要食多啲異能人既眼睛

就可以變翻做人形

所以佢地會食異能人既眼 而男主角既爺爺就係因為咁而死

空魔跟蹤男主角 發現左迴圈既入口

令到柏鳥小姐受傷 

原來只有異能人先可以入到迴圈

一次機緣巧合下 男主角發現原來自己既異能係

見到自己類既天敵 隱形既空魔

而其他人係見吾到

男主角後來留低戰鬥 殺左啲空魔

但因為1949年個邊既迴圈要關閉

所以男女主角就吾可以再見翻 

(其實係迴圈方面 我都未get到 淨係知好似溶洞咁既野)

我認為最感人但無奈既位都係愛情

其實男主角既爺爺以前都係迴圈周圍去吾同時空同地方

一次 男主角既爺爺走左 去左當軍

冇再翻迴圈 但原來女主角中意佢

仲一直等緊 但佢後來結左婚 最後有埋男主角

女主角從此被傷害後 冇中意過第二個

男主角殺左空魔之後 阻止左爺爺死既事發生

翻到去講左呢件事出黎俾爺爺聽

男主角同女主角之前刷出左愛既火花

因為女主角覺得男主角有爺爺既影子

佢爺爺就叫佢要追翻個女仔翻黎

男主角最後經過好多迴圈 終於搵得翻個女仔

Kiss kiss作ending

(中意爺爺個女仔依家同個孫一齊...)

個人評分 ★★★★

睇完極限挑機真係好似網上既影評講

冇悶場 題材好新穎 又好貼近依家既潮流

全程緊張剌激 拍得住屍殺列車

一直都中意睇啲帶得出時下現況既戲

係講依家既年青人中意拍片擺上網或者直播

戲中圍繞住一個遊戲apps apps內有分觀眾同玩家

如果觀眾就要俾US$19.9去睇同出任務

而玩家就要跟住觀眾出既任務去做

一路做要一路拍住片證明

做完有吾同既獎金 越高難度就越多錢

如果輸左或者棄權 銀行有既獎金同錢都會冇哂

一開頭女主角被派到一間餐廳做任務 

要錫一個吾識男仔

咁岩個男仔又要做任務 就係餐廳唱情歌

更加冧到個女仔 之後就刷出愛既火花

因為網民中意睇佢地 令到佢地一齊左

拍住去做吾同既任務 

套戲大概都係講人人係網上用匿名身份睇戲咁睇

有啲任務更加玩死左人 就帶出左好多人用匿名係網上欺凌 

出啲玩命任務 食狗糧 爬係火車軌中間

跟住玩家既好勝心 為左可以出名 多人氣 賺錢 

就咩都願意做 好似有一part係講男主角要矇住眼

淨係信女主角講 5分鐘開電單車開到60公里

到玩到遊戲最後 女主角覺得呢個遊戲害人

就決定報警 想封殺呢個apps

點知冇人死 警察吾受理

遊戲知道女主角報串 個個都追殺女主角

因為新出既任務就係搵女主角出黎打

女主成為左遊戲既囚犯 除非佢入總決賽 

男主角為左救到女主角 不惜一切既危險去完成任務

其中一個就係爬上吊機 單手高空吊住自己五秒

初初都以為男主角係利用女主角去完成任務

但冇估到佢係真正愛個女主角

到最後決賽 男女主角被派既任務係鬥快開槍射對方

觀眾更加去哂現場睇 但個個都戴左面具

用網上虛假身份去觀戰 更加叫佢地快啲射對方

後來女主角一早同另外一個玩家夾定左

另外一個玩家同男女主角一樣係囚犯

囚犯要一直咁玩 玩到入總決賽 分勝負

贏左先有自由

但都想脫離呢個遊戲 就幫女主角做場假死既戲

扮射中女主角 然後女主角扮死

女主角既朋友就hack入遊戲

令遊戲既所有匿名人露出真名

因為遊戲一開始既時候 已經自動輸入哂各人網上所有資料係apps

匿名人 即係觀眾同玩家見到女主角死左之後

就走哂 因為怕惹事

加上 apps入面既真名浮現

佢地嚇到個個都log out

呢個遊戲就終於結束左

當然 講既層面吾止咁少

其中仲有講友情 親情

講兩個好朋友點為個遊戲 好勝心而嗌交

睇完套戲 個主旨好清晰帶出左

吾好沉迷網絡上既人氣 匿名既欺凌

虛無既野 而失去自己 

個人評分 ★★★★★

呢個暑假真係狂煲劇

Oh！我的鬼神大人 其實係Tiffany介紹俾我睇

我煲親韓劇都會係咁飛 飛到淨係睇男女主角😂

呢個係缺點

所以我一對個套劇有興趣 

我就會吾訓教一晚

由夜晚十一點煲到第二朝六點

呢個都係缺點hahaha

鬼神大人我就係咁煲左頭十幾集

追翻個速度睇大結局😂

我覺得朴寶英好靚女 好可愛

男主角雖然吾係超級靚仔 但又man又有魅力

好襯！由於我係用個apps叫 電視連續劇2去睇

呢個apps有顯示每套劇有幾多人睇 同有個排行榜

鬼神君竟然超越哂之前啲勁熱 例如星星 皮諾丘個啲 排第二

仲要三百幾萬點擊 不過係真係好睇既

係講一個好弱質既女主角

俾一隻以為自己係處女鬼既鬼上左身

佢因為以為自己仲係處女 所以吾肯投胎

又係神婆既追趕下 事但就搵左個又弱

又時運低既女主角上左佢身

點知就click住左 出吾翻黎

(因為吾知咩氣數一樣)

因為佢係處女鬼 所以就周圍搵男人

咁岩又搵岩男主角

其實女主角本身都中意男主角

 只係自己又畏首畏尾 咩都怯

吾敢表白 隻鬼就幫佢同男主角一齊

自己又可以借女主角既身了左個心願

但後來隻鬼又發現自己中意左個男主角

 竟然吾想咁快了心事同投胎

(但佢留三年就會變惡鬼)

係佢忐忑之下 又俾佢發現左自己真正既死因

原來佢吾投胎 吾係因為佢係處女鬼

 而係佢目到一架車撞到個女仔之後不顧而去

佢就打電話俾自己中意既男警察

點知原來就係呢個男警察撞到人

男警察其實係俾惡鬼上左身 佢殺左以為自己係處女既個隻鬼

(其實男警察係因為內疚 同左自己撞個個女仔後未結婚 個女仔跛左 個女仔係男主角個妹 下刪一千字 吾解釋了😂)

最後梗係Happy ending

隻女鬼投左胎 而女主角亦因為在女鬼既幫助 同男主角一齊

又改變左性格 變得開朗活潑

呢套劇恐怖場面近乎零 又搞笑輕鬆

完全打破左我對鬼既恐懼

超值得睇！！

之前睇過兩套日影 

鄰居同居IDK 今天開始戀愛吧

 

之後女主角跌左部電話 男主角執到 就擺左係圖書館既書架上面

女主角記得自己去過圖書館

就翻去圖書館搵 之後女主角部電話就響

原來係男主角打俾佢 男主角執左部電話之後當然Save低女主角個電話

(但我唔明係男主角點解要delete哂女主角啲電話聯絡人)

後來男主角就每日每晚都打電話比女主角 同佢傾計

 

女主角一直都唔知道男主角係邊個

因為男主角一直都話自己個名係秘密

女主角慢慢對男主角有感情

開始想約佢出黎

男主角知道女主角中意花

就係第一次見面 送左比女主角

女主角就俾佢打動左(其實點解咁易打動到)

女主角其實叫美嘉 男主角其實叫弘樹

後來弘樹前女朋友因為妒忌美嘉 就搵人強姦左佢(女主角既反應比我想像中冷靜😑)

弘樹不顧一切咁去保護佢 幫佢報仇

後來美嘉有左弘樹既bb

弘樹同美嘉求婚 話會負責

 

但又俾弘樹既前度搞到冇左

之後弘樹都冇離棄佢 

直至第二年 弘樹諗方法令美嘉同佢分手

美嘉試過好幾次既挽留 始終都冇得到弘樹既接受

去到呢度 我就諗 係咪弘樹個前度威脅弘樹呢？

定係弘樹覺得自己連累佢太多？

美嘉上左大學之後有一個

叫優既男仔 同左美嘉一齊

但美嘉發現始終自己係中意弘樹

佢翻翻去佢同弘樹之前一齊拜祭佢地個bb既地方

發現每年都會黎拜祭既弘樹竟然叫左佢朋友黎

追問底下 先知原來弘樹有左癌症 淨翻兩個月命

  

美嘉就退學一直照顧弘樹

有一日 弘樹叫美嘉去曬相 

(全部相都係弘樹偷拍美嘉係醫院照顧佢個時)

點知美嘉係曬完相既中途接到電話

話弘樹吾得喇 美嘉最後都係見吾到佢最後一面

只係係電話webcam見到佢

 

其實呢套戲想交代既就係錯過左就吾會輕易翻到轉頭

如果當初美嘉再捉緊啲 結局就可能吾會係咁

起碼佢地一齊既時間會再耐啲

吾會得兩個月咁少……

比起之前既兩套 呢套係有一個令我諗吾到既ending

至於點解叫 戀空？

其實係因為弘樹話想變成天空

永遠都望住美嘉 守護住佢

咁美嘉去到邊 弘樹都會望到

其實美嘉有諗過跳橋自殺

只係係佢想跳個時 有兩隻白鵨係橋下面

飛上黎 上左天空

所以美嘉係弘樹死左之後

就用天空當作弘樹

所以就叫 戀空